Latest Work

समस्त ग्रामस्थ पिंपळे निळख आणि सचिन साठे सोशल फाऊंडेशन तर्फे श्रीराम जन्मभूमी अयोध्या येथील ऐतिहासिक मंदिर प्राणप्रतिष्ठापणा निमित्त आधुनिक वाल्मिकी ग.दी.माडगुळकर रचित , स्वरतीर्थ सुधीर फडके स्वररचित गीत रामायण सुप्रसिद्ध गायक तुषार रिठे आणि वृंद यांच्या सुमधुर गायनाने संपन्न झाले . श्री भैरवनाथ-विठ्ठल रुक्मिणी मंदिरासमोर , पिंपळे निलख गावठाण येथे महाआरती संपन्न होऊन भाविकांना महाप्रसादाचे वाटप करण्यात आले . चिंचवड विधानसभेच्या आमदार श्रीमती अश्विनीताई लक्ष्मण जगताप यांची प्रमुख उपस्थिती या समारंभास लाभली .

भारतीय जनता पक्षाचे नेते, बुलंद नेतृत्व उपमुख्यमंत्री मा. देवेंद्रजी फडणवीस साहेब यांच्या ५३ व्या वाढदिवसानिमित्त भाजप शहराध्यक्ष मा.श्री. शंकरशेठ जगताप यांच्या संकल्पनेतून संपूर्ण पिंपरी चिंचवड शहरात एकाचवेळी ५३,००० झाडांचे वृक्षारोपण महाअभियान राबविले जात आहे.
विशालनगर, पिंपळे निलख येथील रामसृष्टी सह. गृहनिर्माण सोसायटी समोरील मैदानात ही वृक्षारोपण मोहीम राबविण्यात आली.
याप्रसंगी माजी खासदार अमर साबळे, भाजप शहराध्यक्ष शंकर शेठ जगताप, माजी महापौर उषा उर्फ माई ढोरे, गटनेते नामदेव ढाके, सदाशिव खाडे, गणेश कसप्टे, महिला अध्यक्षा उज्ज्वला गावडे, बहुसंख्येने विद्यार्थी, कार्यकर्ते आणि पिंपळे निलख मधील सन्मानीय नागरिक आदी उपस्थित होते.

निसर्ग संवर्धनासाठी कार्यरत असणाऱ्या पिंपळे निलख येथील, पिंपळवन निसर्ग संवर्धन ग्रुप तर्फे जागतिक वसुंधरा दिन मोठ्या उत्साहात साजरा करण्यात आला. संरक्षण खात्याच्या अत्यारिखित येणाऱ्या जमिनीवर पिंपळवन निसर्ग संवर्धन ग्रुपमार्फत वृक्ष लागवड करण्यात आली आहे. या वृक्षांची निगा ग्रुप मार्फत नियमित राखली जाते.
वसुंधरा दिनाच्या निमित्ताने लागवड केलेल्या वृक्षांना खतपाणी घातले गेले.
तसेच, विशाल नगर परिसरामध्ये निसर्गाच्या संगोपनासाठी लोकांमध्ये जागृती करण्यासाठी प्रभात फेरी देखील काढण्यात आली. विशालनगर येथील गणपती चौकामध्ये या प्रभात फेरीचा समारोप करण्यात आला.

पिंपळे निलख येथे राहुल मित्र मंडळाच्या वतीने विश्वरत्न डॉ. बाबासाहेब आंबेडकर जयंतीनिमित्त, प्रतिमेची भव्य मिरवणूक काढण्यात आली.
या मिरवणुकीमध्ये उपस्थित राहून आंबेडकरांच्या प्रतिमेस पुष्पहार अर्पण केला.
याप्रसंगी, राहुल मित्र मंडळाचे अध्यक्ष प्रदीप जगताप, शेखर जगताप, अमित कांबळे, सागर साठे, राजू शिंदे, श्रीनाथ कांबळे, शैलेश कर्नावट आणि मोठ्या संख्येने भीमसैनिक उपस्थित होते.

छत्रपती शिवाजी महाराज चौक, रहाटणी ते तापकीर चौक, काळेवाडी या दरम्यान आयोजित केलेल्या स्वातंत्र्यवीर सावरकर गौरव यात्रेमध्ये मोठ्या उत्साहात सहभागी झालो.
नागरिकांचा उस्फुर्त प्रतिसाद या गौरव यात्रेस लाभला. राष्ट्रप्रेमी नागरिकांच्या लक्षणीय उपस्थितीने वातावरण राष्ट्रप्रेमाने भारावले होते.
याप्रसंगी, चिंचवड विधानसभेच्या आमदार श्रीमती अश्विनीताई जगताप आणि शहर भाजप पदाधिकारी आणि सन्मानीय मान्यवर उपस्थित होते.

ग्रामदैवत श्री भैरवनाथ महाराज व श्री हनुमान जन्मोत्सवा निमित्त पिंपळे निलख येथील उत्सवात बगाड यात्रे मध्ये मोठ्या उत्साहात सहभागी झालो.
यात्रेत आमच्या साठे पाटील कुटुंबाला मानाच्या पहिल्या बगाडाचा मान असतो.

समस्त ग्रामस्थ मंडळी पिंपळे निलख यांच्या वतीने आयोजित अखंड हरिनाम सप्ताहाच्या शुभारंभप्रसंगी उपस्थित होतो.
यंदाच्या हरिनाम सप्ताहाचे हे २४ वे वर्ष आहे.
एका गोष्टीचा मला विशेष आनंद वाटतो की, हरिनाम सप्ताहाच्या सुरुवाती पासूनच मी या उपक्रमाशी जोडले गेलो, पहिल्या वर्षी बाबासाहेब इंगवले यांच्या अध्यक्षतेखाली या कार्याध्यक्ष म्हणून जबाबदारी पार पाडली होती आम्ही सर्वांनी मिळून लावलेल्या रोपट्याचा वटवृक्ष झालेला पाहून विशेष आनंद होत आहे. पिंपळे निलख मधील तरुण पिढीने देखील अतिशय मनोभावे ही धार्मिक परंपरा कायम ठेवली याचे विशेष समाधान वाटते.
या प्रसंगी, चिंचवड विधानसभेच्या नवनिर्वाचित आमदार श्रीमती अश्विनीताई जगताप, कीर्तनकार ह.भ.प.निवृत्ती महाराज बोरकर शास्त्री बहुसंख्येने ग्रामस्थ मंडळी, भागवत संप्रदायातील सन्मानीय मान्यवर आदी उपस्थित होते.

सचिन साठे सोशल फाऊंडेशन
श्री स्वामी समर्थ सेवा परिवार
श्री गणेश मित्र मंडळ
पिंपळे निलखचा विघ्नहर्ता आयोजित श्री स्वामी समर्थ प्रकटदिनानिमित्त होम-हवन, भक्तिगीते कार्यक्रम आणि महाप्रसादाचे आयोजन करण्यात आले होते. त्याची ही छायाचित्रमय सफर..!!

ज्यांना तत्कालीन सामाजिक परिस्थितीमुळे समाजाने नाकारले होते अश्या, कुष्ठरोगग्रस्तांचे पुनर्वसन आणि सशक्तीकरणासाठी बाबा आमटे यांनी आपले आयुष्य वेचले. आज स्व. बाबा आमटे यांचा स्मृतीदिन काही वर्षांपूर्वी मी आणि माझ्या सहकाऱ्यांनी मिळून बाबा आमटे यांच्या आनंदवनासाठी कपडे पाठवले होते. त्याची ही आठवण..!! कर्मयोगी बाबा आमटेयांना स्मृतीदिनानिमित्त विनम्र अभिवादन..!!

शहरातील विकास कामांचा वेग वाढवा आणि नागरी समस्यांचा निपटारा व्हावा यासाठी प्रशासक तथा आयुक्त शेखर सिंह यांनी संपूर्ण शहराचा प्रभाग निहाय दौरा करावा तसेच आत्तापर्यंत जनसंवाद सभेमध्ये दाखल झालेल्या तक्रारींची आकडेवारी व त्यासंदर्भातील कार्यवाही जाहीर करावी अशी मागणी मी पत्राद्वारे केली आहे. या निवेदनाची विविध वृत्तपत्र माध्यमांनी घेतलेली दखल धन्यवाद..!!

आमच्या अखिल पिंपळे निलख नवरात्र उत्सव मंडळातर्फे पिंपळे निलख येथील महिलांसाठी होम मिनिस्टर - चला खेळ खेळूया पैठणीचा याचे आयोजन करण्यात आले. महिलांना रोजच्या रुटीन मधून विरंगुळा मिळावा हा कार्यक्रमामागील मंडळाचे उदिष्ट होते. प्रसिद्ध निवेदक अक्षय मोरे यांच्या खुमासदार सूत्रसंचलनाने कार्यक्रमास अधिक रंगत आली. या स्पर्धेत
प्रथम विजेत्या - सौ. पल्लवी सचिन शिंदे
द्वितीय - सौ. अस्मिता संकेत जाधव
तृतीय - स्मिता संदीप पाटील यांनी विजेतेपद पटकावले.

सचिन साठे सोशल फाऊंडेशन तर्फे पिंपरी चिंचवड महानगरपालिका शाळा क्रमांक - ५२, पिंपळे निलख येथे विद्यार्थ्यांना शालेय वस्तूंचे वाटप करण्यात आले. याप्रसंगी, प्रसिद्ध उद्योगपती करुणानिधी दालमिया, गौरी दालमिया, उद्योगपती प्रदीप गायकवाड तसेच, शाळेच्या प्राचार्य सौ. टिळेकर इतर शिक्षकवृंद आणि विद्यार्थी आदी उपस्थित होते.

स्वातंत्र्याच्या अमृत महोत्सवाच्या औचित्याने सचिन साठे सोशल फाऊंडेशन तर्फे विद्यार्थ्यांना शालेय साहित्य आणि मिठाई वाटप करण्यात आले. आपण स्वातंत्र्याची 75 वर्षे पूर्ण करीत असताना, पुढील 25 वर्षांत देशाचे कर्तेधर्ते असणाऱ्या पुढील पिढीच्या शैक्षणिक वाटचालीत हातभार लावावा अशी आम्हा सर्व कार्यकर्त्यांची या उपक्रमा मागील भूमिका होती.

स्वातंत्र्याच्या अमृत महोत्सवाच्या निमित्ताने सचिन साठे सोशल फाऊंडेशन तर्फे शालेय विद्यार्थ्यांना मिठाई आणि शालेय वस्तू वाटप करण्यात येत आहे. आज तिसऱ्या टप्प्यात विशालनगर येथील एकूण 7 अंगणवाडी मधील 500 मुलांना वाटप करण्यात आले. चिमुरड्यांच्या चेहऱ्यावरील आनंद पाहून, अधिकाधिक समाजपयोगी कार्यक्रम आयोजित करण्याची उर्मी प्राप्त होत असते.

स्वातंत्र्याच्या अमृत महोत्सवाच्या निमित्ताने सचिन साठे सोशल फाऊंडेशन तर्फे शालेय विद्यार्थ्यांना मिठाई आणि शालेय वस्तू वाटप करण्यात येत आहे. आज दुसऱ्या टप्प्यात विशालनगर येथील विद्या विनय निकेतन स्कुल, चैतन्य महाविद्यालय येथे वाटप करण्यात आले. विद्यार्थ्यांच्या चेहऱ्यावरील हास्य आणि उत्साह पाहून, एक चांगला उपक्रम राबविल्याचे समाधान वाटते.

स्वातंत्र्याच्या अमृत महोत्सवाच्या औचित्याने सचिन साठे सोशल फाऊंडेशन तर्फे विद्यार्थ्यांना शालेय साहित्य आणि मिठाई वाटप करण्यात आले. आपण स्वातंत्र्याची 75 वर्षे पूर्ण करीत असताना, पुढील 25 वर्षांत देशाचे कर्तेधर्ते असणाऱ्या पुढील पिढीच्या शैक्षणिक वाटचालीत हातभार लावावा अशी आम्हा सर्व कार्यकर्त्यांची या उपक्रमा मागील भूमिका होती. पिंपळे निलख परिसरातील, पिंपरी चिंचवड महानगरपालिकेच्या प्राथमिक आणि माध्यमिक शाळेत, पर्ल ड्रॉप हायस्कूल तसेच विशाल नगर आणि कस्पटे वस्ती येथील महानगरपालिकेच्या शाळेत, विशाल नगर मिल्की वे हायस्कूल या शाळांमध्ये प्रथम टप्प्यात हा उपक्रम राबविण्यात आला. या प्रकारे 4000 विद्यार्थ्यांना शालेय वस्तू वाटप करण्याचे सचिन साठे सोशल फाऊंडेशनचे उदिष्ट आहे .